Brief fan de FFU oan de leden fan de Koördinaasje- en Advysgroep Frysk yn it Fuortset Underwiis (KAG-FU) mei as bylage ús ‘Oanfalsplan Frysk’. De KAG-FU wol yn jannewaris 2009 fierder neitinke oer in fyzje op it Frysk yn it fuortset ûnderwiis en it fergrutsjen fan it tal eineksamenkandidaten Frysk. De FFU bringt de KAG troch middel fan dat oanfalsplan (benammen haadstik I [fyzje] en II [ûnderwiis]) op de hichte mei de opfettings fan de FFU e.o. op dy fraachstikken.

Klik op: FFU-KAG-FU, fyzje en eineksamenkandidaten Frysk, 281209.pdf om ús brief ter iepenjen.

Klik op: FFU-Oanfalsplan Frysk, 2de pr.291008.pdf om ús ‘Oanfalsplan Frysk’ (2008) te iepenjen.

Koarte ynlieding (yn stekwurden) fan Tom Dykstra, FFU-foarsitter, op it 77ste krystkongres fan de Federaasje fan Fryske Studinteferienings op 28-12-2009 te Frjentsjer (‘Bogt fen Guné’) oer it tema ‘De leechrin fan Fryslân’. Yn de bydrage fan de FFU leit benammen de klam op de gefolgen foar it Frysk yn it ûnderwiis.

Klik op: FFU-FFS, De leechrin en it Frysk, 281209.pdf om de FFU-bydrage te iepenjen.

Brief fan de FFU oan de leden en bestjoeren fan de ôfdielings en it bestjoer fan it BvPF, Vrouwen van Nu oer it brûken fan in Frysk yn harren offisjele gearkomsten en yn oare formele fermiddens.

Klik op: FFU-BvPF, Vrouwen van Nu en it Frysk, 191109.pdf om ús brief te iepenjen.

Klik op: FFU-Frysk yn ’t spesjaal ûnderwiis, Stjoergroep Hoekstra, 161009.pdf om ús bydrage te iepenjen.

Brief fan de FFU oan de Twadde Keamer oer de te stadige tapassing fan it Europeesk Hânfêst foar regionale talen of talen fan minderheden en de needsaak om it Frysk as fak (leargebiet) en fier- of ynstruksjetaal te ferplichtsjen yn it fuortset (spesjaal) ûnderwiis (s[f]û) en it middelber beropsûnderwiis (mbû).

Klik op: FFU-Europeesk Hânfêst, s[f]û en bmû oan TK, 240809.pdf om ús brief te iepenjen.
Klik op: KO-Acht ferbetterpunten Fryske taal en kultuer.pdf om de te realisearjen winsken fan it Konsultatyf Orgaan te iepenjen (bylage by ús brief fan 24-08-2009).
Klik op: FFU-Tapassen Hânfêst, 150908.pdf om in wiidweidich brief fan de FFU oer it tapassen fan it Europeesk Hânfêst foar Minderheidstalen (‘European Charter for Regional or Minority Languages’) troch it Ryk yn it ûnderwiis en oare maatskiplike domeinen. Mei it útfieren fan de 48 bepalings dy’t it Ryk ûnderskreaun hat, is in protte mis, seit in Kommisje fan Saakkundigen fan de Ried fan Europa. De FFU lit De Haach dúdlik witte dat it oars en better moat. Sjoch ek by: ‘Brieven útgien 2008’: 15-09-2008 > Twadde Keamer en Kabinet: It Hânfêst moat better en flugger útfierd wurde (bylage by ús brief fan 24-08-2009).

Klik op: FFU-Advys pioritearring aspekten taalbelied oan B & M, 180509.pdf om ús brief te iepenjen.

Presintaasje fan de wurkgroep ‘Oanfalsplan Frysk’ foar de Steatekommisje Boarger & Mienskip fan de ‘Gearfetting fan de diskusje oer it Oanfalsplan Frysk & Oansetten foar takomstichaalbelied’ mei in yndikaasje foar de kosten fan in takomstich Sintrum foar de  Fryske Taal en Kultuer.

Klik op: FFU-Gearfetting diskusje en oansetten nij taalbelied foar B & M, 060509.pdf om de gearfetting en oansetten foar nij taalbelied foar de Steatekommisje B & M te iepenjen.

Klik op: FFU-Lêswizer diskusje en oansetten takomstich taalbelied foar B & M, 060509.pdf om de lêswizer foar de Steatekommisje B & M te iepenjen.

Klik op: FFU-Ynlieding takomstich taalbelied foar B & M.pdf  om de ynlieding (sa likernôch útsprutsen) fan Tom Dykstra (FFU-foarsitter) foar de Steatekommisje te iepenjen.

Klik op: FFU-PP-presintaasje takomstich taalbelied foar B & M.ppt om ús PowerPointpresentaasje foar de Steatekommisje te iepenjen.

Klik op: FFU-Kosten fan it SFTK.pdf  om ús yndikaasje fan de kosten fan in Sintrum foar de Fryske Taal en Kultuer te iepenjen.

Klik op: TK-reaksje op it FFU-brief fan 24 aug. ’09, 090902.jpg om de reaksje fan de Twadde Keamer op ús brief fan 24-08-2009 te iepenjen.

Klik op: PS-reaksje op it FFU-brief fan 24 aug.’09, 090918.jpg om de reaksje fan Provinsjale Steaten op ús brief fan 24-08-2009 te iepenjen.

Klik op: FFU-Europeesk Hânfêst, s[f]û en bmû oan TK, 240809.pdf om ús brief oan de Twadde Keamer te iepenjen en sjoch ek by: brieven útgien, 24-09-2009 foar fierdere ynformaasje.

Tasein  wurdt: “In de vergadering [van 10 sept. 2009] heeft de commissie besloten de staatssecretaris van Onderwijs, Cultuur en Wetenschap een reactie te vragen op uw brief. De commissie zal deze reactie na ontvangst aan u toesturen. Dan zal zij u ook laten weten of zij nog nadere stappen wil ondernemen en zo ja, welke.” Wy binne benijd.

Us brief is ek ta kundskip brocht oan de leden fan Provinsjale Steaten en wurdt pleatst op de list fan ynkommen stikken fan de Steategearkomste fan 4 nov. 2009 (sjoch hjirûnder ek by ynkommen brieven 2/18-09-2009).

Klik op: OCW-reaksje op it FFU-brief fan 24 aug. ’09, 090911.jpg om de reaksje fan de fêste kommisje foar Underwiis, Kultuer en Wittenskip op ús brief fan 24-08-2009 te iepenjen.

Brief fan de Provinsje Fryslân oer it ferfolch fan ús eigen ‘Notysje oanfalsplan Frysk en oansetten foar takomstich belied’ (sjoch ek by: brieven útgien, 18-05-2009) dy’t op 6 maaie 2009 yn de kommisje Boarger en Mienskip op it rabat west hat. Yn it brief wurdt in provinsjale notysje oankundige (per 1 juny 2010) oer de útfiering fan it taalbelied op de meast effektive en effisjinte wize mei dêrby in beskriuwing fan in takomstich Sintrum foar de Fryske Taal en Kultuer.

Oan it brief fan de provinsje is in Ferdielplan taalnota en evaluaasje 2008 taheakke dy’t yn  Provinsjale Steaten fan 31 maart 2009 fêststeld is.

Op 4 juny 2008 hawwe it kabinet en it Ynterprovinsjaal Oerlis (bekend as: IPO) oerienstimming berikt oer it Bestjoersakkoart Ryk-provinsjes 2008–2011. Dêr binne ek ôfspraken yn makke om te kommen ta konkrete útstellen foar in gearhingjende desintralisaasje en koördinaasje fan taken dy’t mei de Fryske taal ferbân hâlde. Op grûn fan dy ôfspraak wolle kabinet en de provinsje Fryslân der op ta om hjir fierder ynhâld oan te jaan troch it ynstellen fan in tydlike stjoergroep dy’t foar 1 jannewaris 2010 mei konkrete útstellen fan datoangeande komme moat.

De stjoergroep hat as opdracht om te kommen mei konkrete útstellen foar desintralisaasje fan it ryksbelied oangeande de Fryske taal. Yn dat ferbân sil de gearhing tusken beliedsromte en finansjele ferantwurdlikheid útdruklik in punt fan omtinken wêze. Dêrby wurdt ek ûndersocht, oft en, sa ja, op hokfoar wize oft – fia de oanbelangjende útstellen ta desintralisaasje – in oare ynfolling jûn wurde kin oan de koördinaasje fan taken op it stik fan de Fryske taal.

De gearstalling fan de stjoergroep is yn goed oerlis tusken de oanbelangjende ministearjes en de provinsje Fryslân ta stân kommen. By de gearstalling is sjoen nei in lykwichtige sprieding fan saakkundigens op it mêd fan desintralisaasje, fan ûnderwiis en ûnderwiisrjocht, fan bestjoerlike ynbêding op desintraal nivo en fan de Fryske taal en kultuer. Yn dat ferbân is ek rekken holden mei de ferdrachsferplichtings dy’t Nederlân yn it ramt fan de Ried fan Europa op him nommen hat as it giet om de Friezen en harren taal en kultuer. De stjoergroep kin foar syn gearkomsten eksterne saakkundigen útnoegje. De stjoergroep hat in ûnôfhinklik skriuwerskip ta syn foldwaan.

De stjoergroep sil de Minister fan Ynlânske Saken advisearje hoe’t de taken, foech en ferantwurdlikheden op it mêd fan it Frysk it bêste (al of net) desintralisearre wurde kinne fan Ryk nei de Provinsje. De stjoergroep sil him yn earste ynstânsje beheine ta de domeinen ûnderwiis en media en de oanbefelling dwaan om foar de oare beliedsdomeinen noch in aparte advyskommisje yn te stellen nei 1 jannewaris 2010.

Leden:
- De foarsitter, de hear  mr. R.J. Hoekstra, komt oarspronklik út Dokkum en is âld-Sekretaris-Generaal Algemiene Saken en tsjintwurdich lid fan de Ried fan Steat (Raad van State).
- Mefrou drs. M.J. Sanders-ten Holte is âld-Steatelid yn Gelderlân, âld-Europarlemintariër en lid fan it Committee of Experts fan de Ried fan Europa dat hifke hat hoe’t Nederlân ynfolling jûn hat oan de ûnderskreaune en ratifisearre bepalings fan it Europeesk Hânfêst foar regionale talen of talen fan minderheden (foardroegen troch de provinsje).
- De hear prof. dr. J. de Ridder is heechlearaar bestjoerskunde oan de RUG yn Grins.
- Mefr. drs. M.C.M. Waanders is âld-wethâlder fan Ljouwert en boargemaster fan Dongeradiel (foardroegen troch de provinsje).
- De hear prof. dr. P..J.J. Zoontjens is heechlearaar steatsrjocht (w.û. ûnderwiisrjocht) oan de Universiteit van Tilburg.
- De hear dr. R. Bagchus is direkteur primêr ûnderwiis fan OCW.

Sekretariaat: drs. S. Akkerman (provinsje) en dr. M.H. Kleinsma (ryk) mei as plakferfangers: respektivelik drs. Tsj. B. Bottema (provinsje) en drs. A. van der Goot (ryk).

De earste gearkomste fan de stjoergroep is op 25 juny 2009.